AFFA azarkeşlərə butulka atan futbolçunu cəzalandırdı

AFFA "Neftçi"nin futbolçusu Ervin Koffini cəzalandırıb. 
Qanunvehedef.az AFFA-nın saytına istinadən xəbər verir ki, bu barədə İntizam Komitəsinin bugünkü iclasında qərar qəbul edilib. 
Azərbaycan Premyer Liqasının 2-ci turunun “Səbail” – “Neftçi” oyunu (1:1) bitdikdən sonra Ervin Koffi azarkeşlərə kənar əşya atdığına görə 2 oyun cəzalanıb.
“Neftçi” isə futbolçusunun bu hərəkətinə görə 2000 manat cərimələnib.
Qeyd edək ki, sözügedən matçdan sonra azarkeşlər etiraz ediblər və iğtişaş yaradıblar. Ervin Koffi isə fanatlara butulka atıb.

Qanunvehedef.az