Üç güləşçimiz DÇ-də medal görüşünə çıxacaq
Baxılıb: 864 Tarix: 28-07-2026 15:07
Azərbaycanın 3 yunan - Roma güləşçisi Bakıda təşkil olunan U-17 dünya çempionatında bu gün medallar uğrunda görüşlərə çıxacaq.
Qanunvehedef.az xəbər verir ki, dünən yarımfinalda uduzan Ömər Salmanovla (48 kq) Orxan Həbibli (65 kq) bürünc medal qazanmaq üçün mübarizə aparacaqlar.
İsfahan Həsənov (80 kq) isə mundialın qızıl medalına yiyələnmək şansına malikdir. O, finalda iranlı Alireza Rezayi ilə münasibətləri aydınlaşdıracaq.
Qeyd edək ki, yarış Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.
Qanunvehedef.az
Ən çox oxunanlar
Son xəbərlər
