Neftin qiyməti maydan bəri ilk dəfə 100 dollara çatdı

Yaxın Şərqdə artan gərginlik və qlobal enerji təchizatı ilə bağlı narahatlıqlar fonunda neftin qiyməti may ayından bəri ilk dəfə bir barel üçün 100 dollara çatıb.

Qanunvehedef.az xəbər verir ki, qlobal neft bazarının əsas göstəricilərindən biri olan “Brent” markalı neftin qiyməti cümə axşamı günü 6 faizdən çox bahalaşıb.

Qiymətlər ABŞ-nin İrana qarşı artan hərbi əməliyyatları fonunda son günlərdəki yüksəliş tendensiyasını davam etdirib.

Bazarda artımın əsas səbəblərindən biri Yaxın Şərqdə təhlükəsizlik vəziyyətinin pisləşməsi olub. Yəməndəki husilərin Qırmızı dənizdə neft tankerlərinə hücumları və Səudiyyə Ərəbistanının ixracı üçün mühüm marşrut olan Hörmüz boğazı ilə bağlı təhdidlər enerji bazarlarında narahatlığı artırıb.

Təbii qaz qiymətlərində də yüksəliş müşahidə olunur. Böyük Britaniyanın əsas təbii qaz göstəricisi iyunun sonunda təxminən 98 pens olduğu halda, hazırda illik hesablamada 150 pensə yaxınlaşıb.

Qanunvehedef.az