Türkiədə həyat yoldaşına 25 bıçaq zərbəsi vurduqdan sonra fotolarını çəkdi
Baxılıb: 739 Tarix: 02-04-2025 14:20
Hadisə İzmirin Karabağlar rayonu, Limontəpə məhəlləsində 9752 küçəsində yerləşən evdə baş verib. Ahmet Fırat (44) ilə həyat yoldaşı Nuran Fırat (36) arasında baş verən mübahisə qısa zamanda davaya çevrilib.
Qanunvehedef.az türk mediyasına istinadən xəbər verir ki, Ahmet Fırat həyat yoldaşının boğazına bıçaqla xəsarət yetirib. Nuran Fırat qan içində olarkən əri hadisə zamanı evdə olan 5 yaşlı uşağını ev sahibinin yanına qoyub və maşını ilə qaçıb. Qonşuların hadisə barədə məlumat verməsindən sonra ünvana polis və tibb qrupları göndərilib.
Tibbi qruplar Nuran Fıratın öldüyünü müəyyən edib. Biri 5, digəri 12 yaşlı iki övladı olan cütlüyün hadisə zamanı böyük uşaqlarının məktəbdə olduğu öyrənilib. Ahmet Fırat Urlada tutulub.
Ahmet Fırat barəsində İzmir 1-ci Ağır Cəza Məhkəməsində "arvadını qəsdən öldürmə" cinayətindən ağırlaşdırılmış ömürlük həbs tələbi ilə iddia açılıb.
Ahmet Fırat ilk iclasda həyat yoldaşının ev işləri ilə maraqlanmadığını, vəzifəsini yerinə yetirmədiyini, küçə pişiklərinə baxdığını, mübahisədən sonra onu öldürdüyünü bildirib.
Fevralda baxılan işdə məhkəmə təqsirləndirilən Əhməd Fıratı "arvadını qəsdən öldürmə" cinayətinə görə ağırlaşdırılmış ömürlük həbsə məhkum edib.
Qərarda Ahmet Fıratın Nuranı öldürdükdən sonra 3 fərqli nöqtədən fotoşəkillər çəkdiyi, hadisədən sonra kiçik qızlarını qonşulara qoyduğu, kiçik qızın qonşulara "atam anamı bıçaqlayır" dediyi, şübhəlinin haqsız təxribata məruz qalmadığı qeyd edilib.
Qanunvehedef.az
Ən çox oxunanlar
Son xəbərlər
