Şahin Həmid: Talış dilində Şeir
Baxılıb: 1 158 Tarix: 30-10-2024 12:20
Boşdə ədəbiyyotşunasə
dustiro - bo Alim
Hacizadəro
"Tolışnomə" poeməo
i poə
Ki dardi odəme, omuj bedə bəy,
Dı dıli piəyon ğoş bedə şeir.
Zımıston osmono voydə bənə vay,
Əvəsor peqardə voş bedə şeir.
Çəy tum emdə mandə çı mizi səpe,
Ğələmi rize hest çəy rizi səpe.
Sıftə tişı ğandə köğəzi səpe,
Peşı, qədə-qədə rost bedə şeir.
Pəredə, kijonən dəvardə bəton,
Səydə çı şairon dasto han- hıton.
Hakərəy, osmoni haftminə ğato
Boəmə bə zəmin eşedə şeir.
Nimədə mandyədə votedən nokom,
Deəye rost bedə har şairi nom.
Əve çı jimoni ən çokə rəssom,
Çiç vində, çə şikli kəşedə şeir.
Hirədə çı bandi vində çəş bedə.
Ovədə təşiku ələtəş bedə.
Məno dı məntıği kəşbəkəş bedə,
Sırdə, bəçəvon nav beşedə şeir.
Şeri paylaşdı Qəni Hüseynov
Ən çox oxunanlar
Son xəbərlər
