“Türkiyə ilə əməkdaşlığın tərəfdarıyam, amma...”

Yunanıstan Baş naziri Kiriakos Mitsotakis Türkiyənin Fransadan “Meteor” raketlərini əldə etməsinin qarşısını almağa çalışdıqlarını etiraf edib.
Qanunvehedef.az “Hurriyet”ə istinadən xəbər verir ki, Mitsotakis Türkiyəyə qarşı müdafiə sənayesini inkişaf etdirmək üçün tədbirlərə başladıqlarını bildirib.
O, eyni zamanda Türkiyə ilə bir çox sahədə əməkdaşlıq etməyin lazım olduğunu sözlərinə əlavə edib: “Sərhədləri paylaşdığımız və coğrafiyanın bizim yanyana olmağımızı istədiyi ölkələrlə mehriban qonşuluq münasibətlərinin tərəfdarıyam. Amma mən saf deyiləm. Ölkəmiz xaricdə də güclü ittifaqlar qurur. Biz milli müdafiəmizi daha da gücləndirəcəyik”.
Qeyd edək ki, bir müddət öncə K.Mitsotakisn Fransa Prezidenti Emmanuel Makronla görüşündə Türkiyəyə “Meteor” raketlərini satmamağı xahiş etdiyi, lakin rədd cavabı aldığı barədə məlumat yayılıb.

Qanunvehedef.az