Makron: “Ukraynanın təhlükəsizliyinin təmin edilməsində 30 ölkə iştirak edə bilər”
Baxılıb: 800 Tarix: 25-02-2025 11:47
“30 ölkə Ukraynanın təhlükəsizliyinin təmin edilməsində iştirak etməyə hazırdır”.
Qanunvehedef.az xəbər verir ki, bunu “Fox News” telekanalına açıqlamasında Fransa Prezidenti Emmanuel Makron deyib.
Onun sözlərinə görə, qoşunlar cəbhə xəttində yerləşdirilməsə də, təminat qismində orada olacaqlar:
“Avropanın 30 lideri və tərəfdaşlarımızla danışmışam, onların əksəriyyəti bu cür sazişdə iştirak etməyə hazırdırlar. Həmin ölkələr Rusiyanın razılaşmaları pozacağı halda ABŞ-dən dəstək siqnalını gözləyirlər”.
Qeyd edək ki, “WSJ” qəzetinin yazdığına əsasən, Böyük Britaniyanın Baş naziri Kir Starmer fevralın 27-də ABŞ Prezidenti Donald Trampa Britaniya və Fransa hərbçilərinin Ukraynada yerləşdirilməsi planının ilkin variantını təqdim edəcək. Bildirilib ki, Starmer avropalı sülhməramlılar üçün təhlükə yarandığı halda ABŞ-nin dəstək göstərməsi məsələsinə nail olmaq niyyətindədir.
Qanunvehedef.az
Ən çox oxunanlar
Son xəbərlər
