Qonçarenko: Zelenskini Trampdan üzr istəməyə çağırdı

Ukrayna Ali Radasının deputatı Aleksey Qonçarenko Vaşinqtonun Kiyevə hərbi yardımı dayandırmasını “fəlakət” adlandırıb və ölkə Prezidenti Volodimir Zelenskini ABŞ Prezidenti Donald Trampdan üzr istəməyə çağırıb.
Qanunvehedef.az xəbər verir ki, Qonçarenko bu barədə teleqram kanalında paylaşım edib.
Onun sözlərinə görə, Ukrayna rəhbərliyi emosiyaları söndürüb məntiqi işə salmalıdır: “Biz tamamilə ABŞ-dən asılıyıq və Trampın əleyhinə deyil, onunla birgə oynamalıyıq”.
Xatırladaq ki, fevralın 28-də Vaşinqtonda Ukrayna və ABŞ prezidentləri Volodimir Zelenski ilə Donald Tramp arasında görüş keçirilib. Görüş çərçivəsində tərəflər mətbuata açıqlamalar verərkən Zelenski, Tramp və ABŞ-nin vitse-prezidenti Ceyms Devid Vens arasında mübahisə yaranıb. Bu zaman Tramp Zelenskini ABŞ-yə qarşı hörmətsiz davranışda, Vens isə Kiyevə göstərilən dəstəyə görə Vaşinqtona təşəkkür etməməkdə ittiham edib. Nəticədə mətbuat konfransı ləğv edilib.
Fotoda: Aleksey Qonçarenko


Qanunvehedef.az