Trampın Ukrayna ilə bağlı qərarından sonra bu addımı atdı - Fotolar
Baxılıb: 868 Tarix: 10-03-2025 11:14
Ukraynanın paytaxtı Kiyevdə ABŞ Prezidenti Donald Trampın şərəfinə adlandırılan iki kafenin adı dəyişdiriləcək.
Qanunvehedef.az xəbər verir ki, bu barədə məlumatı Britaniyanın “The Sun” qəzeti yayıb.
Həmin kafelərin adı “Trump Coffee Bar” və “Trump Pizza Station” olub.
Bildirilib ki, buna səbəb ABŞ-nin Ukraynaya hərbi yardım və kəşfiyyat məlumatlarının verilməsini dayandırmaq barədə qərarı olub.
Qərarın ardınca, müəssisələrin sahibi Trampın adı olan lövhələrin götürülməsi barədə göstəriş verib.
Xatırladaq ki, fevralın 28-də Vaşinqtonda Ukrayna və ABŞ prezidentləri Volodimir Zelenski ilə Donald Tramp arasında görüş keçirilib. Görüş çərçivəsində tərəflər mətbuata açıqlamalar verərkən Zelenski, Tramp və ABŞ-nin vitse-prezidenti Ceyms Devid Vens arasında mübahisə yaranıb. Bu zaman Tramp Zelenskini ABŞ-yə qarşı hörmətsiz davranışda, Vens isə Kiyevə göstərilən dəstəyə görə Vaşinqtona təşəkkür etməməkdə ittiham edib. Nəticədə mətbuat konfransı ləğv edilib. Martın 4-də isə Donald Trampın Ukraynaya hərbi yardımı dayandırdığı məlum olub.
Qanunvehedef.az
Ən çox oxunanlar
Son xəbərlər
