Annalena Berbok Ukraynaya 11-ci səfərini etdi

Almaniyanın xarici işlər naziri Annalena Berbok Kiyevə səfər edib.
Qanunvehedef.az xəbər verir ki, bu barədə Almaniya Xarici İşlər Nazirliyi məlumat yayıb.
Bildirilib ki, Berbok jurnalistlərə açıqlamasında Ukraynaya dəstək üçün daha 130 milyon avro ayrıldığını açıqlayıb: “Bu gün biz humanitar yardım və sabitləşdirmə fondlarına əlavə olaraq 130 milyon avro ayırırıq”.
Qeyd edək ki, bu, Berbokun Ukraynaya nazir kimi fəaliyyətə başladıqdan sonra 11-ci, Rusiyanın xüsusi hərbi əməliyyata başlamasından bəri isə 9-cu səfəridir.
Xatırladaq ki, o, 2021-ci ilin dekabrından Almaniya XİN-ə rəhbərlik edir.

Qanunvehedef.az