Qruşko - Moskva İrəvanın bu addımından narahatdır

Moskva İrəvanın AB-yə daxil olmaq istəklərindən narahatdır. Qərb onu geosiyasi oyunlarına cəlb edərsə, Ermənistan Aİİ-nin faydalarını itirmək riski ilə üzləşər.
Qanunvehedef.az xəbər verir ki, bunu Rusiya XİN rəhbərinin müavini Aleksandr Qruşko deyib.
“Təbii ki, Ermənistanın AB-yə daxil olmaq istəkləri narahatlıq doğurur, çünki bu cür arzular bu ölkənin Aİİ-yə üzvlüyü ilə bir araya sığmır və biz erməni həmkarlarımızla çoxsaylı təmaslarımızda bu barədə danışırıq. Hamıya məlumdur ki, Aİİ-də iştirakı sayəsində Ermənistan dinamik mərhələlərlə inkişaf edir və İrəvan üçün bütün əsas sahələrdə iqtisadi artım müşahidə olunur. Və bu, Qərbin Ermənistanı Rusiyadan və digər müttəfiqlərindən qoparmaq cəhdi ilə onu geosiyasi oyununa cəlb edəcəyi təqdirdə İrəvanın itirmək riski ilə üzləşdiyi böyük bir sərvətdir”, - o bildirib.

Qanunvehedef.az