“Poeziya çələngi” Mehri Səfərli
Baxılıb: 707 Tarix: 02-06-2025 12:40
NEYLƏYİM
Sən susdun, baxışın danışdı, dindi,
Atəşin, alovun qəlbimdə söndü.
Sənli xatirələr xəyala döndü,
Həsrətin şaxtalı qışdı, neyləyim.
Məhəbbətin odu qaldı bu yolda,
Baldan şirin dadı qaldı bu yolda,
Sevdamızın adı qaldı bu yolda,
Əlacım yox, əldən getdi, neyləyim.
Sevgimizə biz sadiqdik hər zaman,
Sevdamıza yaman düşdü sis, duman.
Görüşməyə heç qalmadı bir güman,
Gözlərim hey nəmdi, yaşdı, neyləyim.
Bu sevgini fələk aldı əlimdən,
Qopdu nalə,qopdu ağı dilimdən.
Ayrılığın betər imiş ölümdən,
Bu bir tale, bir qismətdir, neyləyim.
Qanunvehedef.az
Ən çox oxunanlar
Son xəbərlər
