POEZİYA
Baxılıb: 943 Tarix: 23-06-2025 13:00
Gözlərim üzundən, gözundən öpər,
Gözlərim gözünün nazına baxmaz.
Sən mənə sevmirəm söyləsən əgər,
Gözlərim bir daha üzünə baxmaz.
İstəsən məndən küs, ya da acıqlan,
Demirəm sən məndən uzaqda dolan.
Neyləsin həsrətdən saralıb solan,
Ürəyim heç kimin sözünə baxmaz.
Həsrətdən ağlayır, sızlayır ürək,
Mənimlə düz gəlmir nədənsə fələk.
Gözlərim yaş tökür yaz buludu tək,
İnan ki sözünə, yazına baxmaz.
Mehparə inanıb əzəldən sənə,
Dözər yollarında dumana, çənə.
Xəyanət eləsən inan ki mənə,
Gözlərim bir daha gözunə baxmaz.
Ən çox oxunanlar
Son xəbərlər
