POEZIYA
Baxılıb: 866 Tarix: 13-05-2025 12:29
Mehri Seferli
SƏNSİZ
Qəlbindən keçəni gözlərin deyir,
Sənsiz rahatlana bilmirəm daha,
Sənin əvəzinə, sənin yerinə,
Ağlayıb sızlaram, gülmərəm daha.
Sənin həsrətinin nəfəsi ilıq,
Üz-üzə gələndə hələ də lalıq.
İndi çox çətindi mənə tənhalıq,
Axan göz yaşımı silmərəm daha.
Dərdimi demərəm özgəyə, yada,
Közərə-közərə dönmüşəm oda.
Sənsən ömrüm, günüm indi dünyada,
Sən varsan, inan ki ölmərəm daha.
Ən çox oxunanlar
Son xəbərlər
