Burda gözəllik var, gözəldi həyat. Qəni Hüseynov
Baxılıb: 716 Tarix: 09-07-2025 12:42
Burda gözəllik var, gözəldi həyat.
Baxıram dağlara bir yal,bir yamaç,
Qıy vuran qartallar acır,qol_ qanad,
Xınalı daşlara qoy,başını yat,
Burda gözəllik var, gözəldi həyat.!
Qayğıdan bir anlıq uzaq olursan,
Qaynar bir həyata ,qədəm qoyursan,
Çiçəyin iyindən məst olursan,uyursan,
Burda gözəllik var, gözəldi həyat.!
Yada nə var düşür, nədəki qayğın,
Unudilur pis günün,həsrətə sayğın,
Vətənsiz günlərin, nisgil dağların,
Burda gözəllik var, gözəldi həyat.!
Başında qarışır,sehir,möçüzə,
Min cürə cicək var , yüz cürə meyvə,
Qırx bulaq,yüz bulaq,səsini dinlə,
Burda gözəllik var, gözəldi həyat.!
İndi burda qalıb,həyatın ətri,
Otuz il arxada dəyişib,cətri
Şəffaf bulaqları, güllərin ətri,
Burda gözəllik var,gözəldi həyat.!
Dədə,babaların qurduğu daxma,
Baldanda şirindi,şəkərdi loxma,
Tərpətmə dərdimi, qəlbimə baxma,
Burda gözəllik var,gözəldi həyat.!
Mal,mülk hərisləri susayır qana,
Təbiət indi_indi ,gəlibdi cana,
İnsanlar girirlər cilidə,dona,
Burda gözəllik var, gözəldi həyat.!
Coxunun cibində pul qalaq,qalaq,
Deyillər dağları hasara alaq,?
Əl vurma dağlara,qoy belə qalaq,
Burda gözəllik var, gözəldi həyat.!
Qəni, gəl allanma dünya varına,
Kasıblar can atır bəlkə, barına,
Coxları həsrət, vətəninə, yarına,
Burda gözəllik var,gözəldi həyat,!
06.07.2024.
Ən çox oxunanlar
Son xəbərlər
