İlham Əliyevə təbriklər gəlir - Yenilənib

Misir Prezidenti Əbdülfəttah əs-Sisi Azərbaycan Prezidenti İlham Əliyevə məktub ünvanlayıb.
Qanunvehedef.az xəbər verir ki, məktubda deyilir:
“Zati-aliləri.
Bütün dünya müsəlmanlarının qeyd etdikləri Ramazan bayramı münasibətilə Sizə və dəyərli xalqınıza ən səmimi təbriklərimi çatdırmaq mənim üçün böyük şərəfdir. Allah-Taaladan oruclarımızı, dualarımızı və xeyirxah əməllərimizi qəbul etməsini və İslam ümmətinin daha parlaq və təhlükəsiz gələcəyi üçün səylərimizdə bizə öz xeyir-duasını nəsib etməsini diləyirəm.
Hörmətli cənab Prezident, bu mübarək bayram münasibətilə Sizə möhkəm cansağlığı və xoşbəxtlik, dost ölkələrimizin davamlı olaraq inkişaf etməsini arzulayıram.
Bayramınız mübarək!”
***
Tunis Prezidenti Kays Sayid:
“Hörmətli cənab Prezident.
Mübarək Ramazan bayramı münasibətilə Zati-alinizə səmimi təbriklərimi və ən xoş arzularımı çatdırıram. Sizə möhkəm cansağlığı və səadət, qardaş Azərbaycan xalqına firavanlıq bəxş etməsi üçün Uca Allaha dua edirəm.
Bu fürsətdən istifadə edərək, xalqlarımızın rifahı və mənafeyi naminə ölkələrimiz arasında qardaşlıq münasibətlərinin möhkəmləndirilməsi, mövcud əməkdaşlıq əlaqələrinin genişləndirilməsi üçün birgə fəaliyyətimizi davam etdirməkdə qəti qərarlı olduğumu Zati-alinizə bir daha bildirməkdən məmnunam.
Ulu Tanrı bizə və bütün İslam ümmətinə xeyir-bərəkət, firavanlıq nəsib etsin!”
***
Ukraynanın İrpen şəhərindəki Zərifə Əliyeva adına humanitar “Linqvist” liseyinin direktoru Valentina Antonenko:
“Azərbaycan Respublikasının Prezidenti Zati-aliləri cənab İlham Əliyevə
Möhtərəm cənab Prezident.
Müqəddəs Ramazan bayramı münasibətilə Sizi təbrik edirəm.
Allah bütün dualarınızı qəbul etsin, evinizdə həmişə sevinc və hüzur hökm sürsün.
Sizə və doğmalarınıza cansağlığı və xoşbəxtlik, ölkənizə firavanlıq, əmin-amanlıq, zəmanəmizin böyük dövlət rəhbəri və görkəmli siyasi xadimi kimi bütün gücünüzü daha parlaq gələcəyinə sərf etdiyiniz xalqınıza rifah arzulayıram.
Çox hörmətli cənab Prezident, icazə verin, fürsətdən istifadə edərək görkəmli ananız Zərifə xanımın adını daşıyan liseyimizə göstərdiyiniz diqqət və qayğıya görə Sizə bir daha təşəkkürümü bildirim. Xeyirxahlığınıza, xoş münasibətinizə görə ömrümün sonuna qədər Sizə dua edəcəyəm”.
***
Rusiyada fəaliyyət göstərən İslam Biznesi Beynəlxalq Assambleyasının prezidenti Marat Kabayev:
“Azərbaycan Respublikasının Prezidenti Zati-aliləri cənab İlham Əliyevə
Əs-səlamu əleykum və rəhmətullahi və bərəkətuhu.
Hörmətli İlham Heydər oğlu.
Müqəddəs Ramazan bayramı münasibətilə Sizi və yaxınlarınızı təbrik edirəm. Uca Allah hamımızın bütün dualarını, oruclarını, sədəqə və zəkatlarını qəbul etsin, öz mərhəmətini bizdən əsirgəməsin, gələcək illərdə də bizə Ramazan ayını rifah, sağlamlıq, sülh və əmin-amanlıq şəraitində başa çatdırmağı nəsib etsin. Ramazandan sonra bütün insanların həyatı yalnız yaxşı istiqamətdə dəyişsin. Ulu Tanrı, həmçinin Fələstindəki qardaşlarımıza da kömək olsun, orada sülh və əmin-amanlığı bərqərar etsin.
Sizə və doğmalarınıza Allahın rəğbətini və sonsuz bərəkətini arzulayıram. Amin!”
***
Qara Dəniz İqtisadi Əməkdaşlıq Təşkilatının Parlament Məclisinin Baş katibi Asəf Hacıyev:
“Azərbaycan Respublikasının Prezidenti Zati-aliləri cənab İlham Əliyevə
Möhtərəm cənab Prezident.
Sizi və bütün Azərbaycan xalqını müqəddəs Ramazan bayramı münasibətilə ürəkdən təbrik edirəm.
Azərbaycan xalqı digər bayramlar kimi Ramazan bayramını da böyük ruh yüksəkliyi ilə qeyd etdi.
Sizin ardıcıl siyasətiniz və qətiyyətiniz bütün məsələlərdə özünü göstərir. Əminəm ki, Zati-alinizin Azərbaycan xalqının dəyərlərinə əsaslanan uğurlu siyasəti sayəsində ölkəmiz beynəlxalq aləmdə öz layiqli yerini daha da möhkəmləndirəcəkdir.
Sizə möhkəm cansağlığı və fəaliyyətinizdə böyük uğurlar arzulayıram”.
***
Türk Dövlətləri Təşkilatının Baş katibi Kubanıçbek Ömüralıyev:
“Möhtərəm cənab Prezident.
Sizi müqəddəs Ramazan bayramı münasibətilə ürəkdən təbrik edir, ən səmimi arzu və diləklərimi çatdırıram.
Ramazan ayı insanların qəlbini və düşüncəsini nurlandıran, onları birlik, mənəvi saflıq və əxlaqi dəyərlərə dəvət edən mübarək aydır. Bütün İslam aləmi, o cümlədən Türk dünyası üçün xüsusi əhəmiyyət kəsb edən bu müqəddəs bayram Türk Dövlətləri Təşkilatının əsas prinsiplərindən olan birlik, sülh və qardaşlıq dəyərlərini təşviq edir.
Bu əlamətdar bayram münasibətilə Zati-alinizə və dost, qardaş Azərbaycan xalqına möhkəm cansağlığı, xoşbəxtlik və rifah diləyirəm”.

Qanunvehedef.azшаблоны для dle 11.2