Xəbər lenti
Arxiv
«    Aprel 2024    »
BeÇaÇCaCŞB
1234567
891011121314
15161718192021
22232425262728
2930 

“Bələdiyyələr bəzən yersiz cərimələnirlər”.

Baxılıb: 625     Tarix: 19-02-2024 14:37   

“Cəmi 200 manat gülməli rəqəmdir...”
Qanunvehedef.az xəbər verir ki, bunu deputat Tahir Rzayev parlamentin Regional məsələlər komitəsinin iclasında bildirib.
“Bələdiyyələr səlahiyyətlərində olmayan məsələlərlə yüklənirlər. Harada ağac qurudulur, yaşıllıq sulanmır, tullantı var və s. bələdiyyə cavab verməlidir. Bütün bunlar bələdiyyələrin nüfuzuna ciddi ziyan verir. Məhkəmələr qarşısına gedib hörmətdən düşürlər” , - deyə deputat vurğulayıb.
***
Millət vəkili  Kamran Bayramov isə bildirib ki, mənfəət vergisi ilə bağlı gülməli bir rəqəm qoyulub: “Ötən ilin 9 ayı üzrə cəmi 200 manat  pul yığılıb. Məruzədə göstərilib ki, dövlət büdcəsi tərəfindən ayrılan subvensiyalara görə, bələdiyyələrin istehsal və xidmət sahələrinin yaradılması baş tutub. Düşünürəm ki, bir neçə müəssisə yaradılıb fəaliyyət göstərir. Amma belə çıxır ki, onlar rentabelli deyillər. Gəlir əldə etmirlər ki, mənfəət vergisini ala bilmirlər. Cəmi 200 manat alınması gülməli rəqəmdir”.
Onun sözlərinə görə, məruzədə qeyd olunub ki, xidmət, istehsalat sahələri yanaşı istirahət parkları, futbol meydançası, qəbiristanlığın abadlaşdırılması kimi məsələlər məhz subvensiya üzrə layihələrə yönəldilib: “Düşünürəm ki, bu da yanlış bir istiqamətdir. Ona görə ki, dövlət subvensiya qismində bələdiyyələrə vəsait ayırırsa, həmin vəsait gəlirli layihələrə yönəldilməlidir. Bələdiyyə parkın salınması, qəbiristanlığın abadlaşdırılması ilə nə gəlir əldə edir? Futbol meydançasının salınması əladır. Belə ki, ödənişli ola bilər və bələdiyyə gəlir əldə edər. Bundan başqa hər hansı xidmət sahəsi yaradılar ki, gəlir əldə olunar. Bu baxımdan, subvensiyalar istehsal, xidmət sahələri müəssisələrinin yaradılmasına yönəldilməlidir”.

Qanunvehedef.azшаблоны для dle 11.2



Ən çox oxunanlar
Son xəbərlər
Redaktor seçimi
Çox oxunanlar