"Azərbaycanda belə hadisə olsa, necə olacaq?" - Deputat

Milli Məclisin xüsusi iclasının keçirilməsi təklif edilib.
“Report” xəbər verir ki, bu təkliflə deputat Qüdrət Həsənquliyev qanunverici orqanın bu gün keçirilən toplantısında çıxış edib.
Onun sözlərinə görə, Rusiyada törədilən terror aktından sonra ölkədə təhlükəsizliyin hansı səviyyədə olduğu və hansı işlər görüldüyü barədə deputatlara bir məlumat verilməlidir: “Allah eləməsin, bizdə belə hadisə baş verərsə, bizim hansı gücümüz var?”.
Deputat bundan başqa, ekstrimal hallara hazırlıq üçün təcili tibbi yardım vertolyotlarının alınmasını təklif edib. O bildirib ki, Vətən müharibəsi dövründə yaralıları Badamdardakı vertolyot meydançasına daşıyırdılar, oradan isə təcili tibbi yardım maşını ilə xəstəxanalara aparırdılar: “Bizdə xəstəxanalarda vertolyot meydançaları yoxdur. Rusiyada baş verən hadisədən sonra bu barədə düşündüm. Azərbaycanda belə hadisə olsa, necə olacaq? Bakıda sıxlıq çoxdur. Yaralıları vertolyotla təcili tibbi yardım maşını ilə daşımaq olacaqmı?”.

Qanunvehedef.azшаблоны для dle 11.2