Avtobuslarda gedişhaqqı artdı, amma xidmətin səviyyəsi qalxmadı - VİDEO

Gedişhaqqı 50 qəpikdir. Amma avtobuslarda əvvəlki problemlər hələ də qalmaqdadır. Belə ki, gediş haqqı komfort sözü ilə yaxından uzaqdan əlaqəsi olmayan avtobuslarda da 50 qəpikdir. Amma bu nəqliyyat vasitələrində lazımi avadanlıqlar quraşdırılmayıb. Köhnə avtobuslarda nəinki kondisioner, ventilyatorda yoxdur.
Qanunvehedef.az xəbər verir ki, məsələ bağlı "Apa TV"nin əməkdaşları sakinlər arasında sorğu keçirib:
"Qiymət artırsa, ona uyğun tələblər olmalıdır. Kondisioner isti havalarda mütləq şəkildə olmalıdır. Eyni zamanda avtobuslar interval üzrə vaxtında gəlməlidir. Biz Buzovnadan gəlir. Orada heç yeni avtobuslar yoxdur. Həmin avtobuslarda kondisioner yoxdu. Eyni zamanda intervalda sıxlıq var. Qocalar istidən narahat olur. Hamını nəzərə almaq lazımdır".
Sakinlərin sözlərinə görə xətdə buraxılan yeni nəsil avtobuslarda da kondisioner problemi olur. Lakin sürücülər bildirir ki, yayın istisində kondisionerin söndürülməsi deyə bir şey yoxdur. Bəzən elə olur ki, sərnişinlər kondisionerin sərinliyini azaltmağı xahiş edir. Amma havalar isti, eyni zamanda sərnişin sıxlığı olduğundan sürücülər onların bu xahişini yerinə yetirmir.
Ətraflı "Apa TV"nin süjetində:



Qanunvehedef.az