Türkiyə-Azərbaycan Universiteti bu binada fəaliyyət göstərəcək
Baxılıb: 819 Tarix: 06-08-2024 13:10
Məlum olduğu kimi, 2024-2025-ci tədris ilində Türkiyə-Azərbaycan Universitetinə (TAU) tələbə qəbulu aparılacaq. Abituriyentlər TAU-nun tədris ingilis dilində aparılacaq ixtisaslarını (kompüter mühəndisliyi, sənaye mühəndisliyi, qida mühəndisliyi) seçə bilərlər.
Qanunvehedef.az Modern.az-a istinadən xəbər verir ki, ali təhsil ocağının binası Bakının Xətai rayonunda yerləşəcək.
Türkiyə-Azərbaycan Universitetinin Bakı Ali Neft Məktəbinin (BANM) Xocalı prospektində yerləşən binasında fəaliyyət göstərəcəyi deyilir. Elm və Ali Təhsil üzrə Dövlət Agentliyindən bu məlumatı təsdiqləyiblər.
BANM-in isə 2024/2025-ci tədris ilində bu il ləğv edilən Bakı Fransız Liseyinin binasında fəaliyyət göstərəcəyi qeyd olunur.
Artıq BANM-in Xətai rayonunda yerləşən inzibati binasının köçürülməsinə başlanılıb. Universitetin Mətbuat xidməti məlumatı təsdiqləyib. Bildirilib ki, bu barədə yaxın vaxtlarda rəsmi məlumat veriləcək.
Qanunvehedef.az
Ən çox oxunanlar
Son xəbərlər
