Beş ildə pensiyaların orta məbləğini 2 dəfəyə yaxın artıra bilmişik - Sahil Babayev

“Gələn il əmək pensiyalarının orta aylıq göstəricisinin 531 manata çatdırılması proqnozlaşdırılır”.
Qanunvehedef.az xəbər verir ki, bunu əmək və əhalinin sosial müdafiəsi naziri Sahil Babayev Əmək və sosial siyasət, İqtisadi siyasət, sənaye və sahibkarlıq komitələrinin birgə iclasında bildirib.
“2019-cu ildə əmək pensiyalarının orta məbləği cəmi 264 manat idi. Beş ildə əmək pensiyalarının orta məbləğini 2 dəfəyə yaxın artıra bilmişik. Yaşa görə əmək pensiyasına baxdıqda isə rəqəm daha yüksəkdir. Növbəti ildə bu rəqəm 569 manat olacaq. Cari illə müqayisədə 8 faiz artım var. 2019-cu ilin göstəricisinə baxsaq, bu, 292 manata bərabər idi”.

Qəni Hüseynov