FHN-dən gecəki yanğınla bağlı - Daha bir açıqlama
Baxılıb: 267 Tarix: 27-06-2025 12:20
Ötən gecə Cəfər Cabbarlı adına "Azərbaycanfilm" kinostudiyasının ərazisində baş verən yanğının səbəbləri ilə bağlı aidiyyəti qurumlar tərəfindən araşdırma başladılıb.
Fövqəladə Hallar Nazirliyindən yanğınla bağlı açıqlama
Məlumatda bildirilib ki, Cəfər Cabbarlı adına "Azərbaycanfilm" kinostudiyasının ərazisində kinofilm çəkilişlərində istifadə olunan pirotexniki maddələr yığılan tikilidə partlayış nəticəsində yaranmış yanğın nazirliyin qüvvələri tərəfindən görülmüş zəruri və təxirəsalınmaz tədbirlər sayəsində qısa müddətdə söndürülüb.
Partlayış nəticəsində ümumi sahəsi 200 m² olan birmərtəbəli tikilinin konstruksiyaları dağılıb. Taxta qutularda yığılan digər pirotexniki vasitələr, 3 ədəd propan qaz balonu və yaxınlıqdakı tikililər yanğından mühafizə olunub. Hadisə zamanı ölən və xəsarət alan olmayıb.
Qanunvehedef.az
Ən çox oxunanlar
Son xəbərlər
