Azərbaycanlı gəncin milyonluq saatını əlindən aldılar

İspaniyanın İbiza kurortunda 22 yaşlı Azərbaycan vətəndaşının 1 milyon funt sterlinq dəyərində saatı oğurlanıb.
Qanunvehedef.az xəbər verir ki, hadisə ilə bağlı İngiltərənin “Deyli Meyl” nəşri yazıb.
Məlumatda qeyd olunub ki, adada yaxın dostu ilə gəzintiyə çıxmış həmin gəncin qarşısını kəsən quldur qolundakı “Richard Mille 50-03 McLaren F1” markalı saatını əlindən alaraq qaçıb.
Azərbaycanlı hadisə ilə bağlı polisə müraciət edib.
Qeyd edək ki, “Richard Mille” dünyanın ən tanınmış brendlərindən biridir. Sözügedən modeldən cəmi 75 ədəd buraxılıb.