Şamaxıda baş həkim işdən çıxarılıb? - Rəsmi

Şamaxı Mərkəzi Rayon Xəstəxanasının baş həkim vəzifəsini müvəqqəti icra edən Səməd Fətəliyev vəzifəsindən azad edilməsi həqiqətə uyğun deyil.
Səhiyyə Nazirliyinin mətbuat xidmətindən Teleqraf.com-a bildirilib ki, Səməd Fətəliyev hazırda yenə də baş həkim vəzifəsini müvəqqəti yerinə yetirir.
Qeyd edək ki, mediada Şamaxı Mərkəzi Rayon Xəstəxanasının baş həkim vəzifəsini icra edən Səməd Fətəliyevin tibbi heyətlə son toplantısını keçirərək vidalaşması barədə xəbərlər yayılıb.