Azərbaycanın xalq artistinin vəziyyəti ağırlaşıb, xəstəxanaya yerləşdirilib? - AÇIQLAMA
Baxılıb: 460 Tarix: 07-09-2018 12:48
3 gün əvvəl Azərbaycanın xalq artisti, tanınmış aktyor Rasim Balayevin xəstəxanaya düşməsilə bağlı məlumatlar yayılıb.
Qanunvehedef.az bildirir ki, modern.az-a sevimli aktyorun sağlıq durumunun nə yerdə olduğunu öyrənmək üçün R.Balayevlə əlaqə saxlayıb.
Xaql artisti səhhətilə bağlı yazılanları təkzib edib:
"Yalan yazıblar. Bir qız zəng elədi ki, "səhhətiniz necədir?". Dedim həkimə gedirəm, "tok"a-fizioterapeyaya yazıb həkim. Fizioterapeyaya hamı gedir də. Bu da götürüb yazıb ki, "Rasim Balayevin səhhəti pisləşdi, xəstəxanaya yerləşdirildi". Bu adam yazdığının məsuliyyətini dərk etmir. Bilmir ki, mənim qohum-əqrəbam var. Guya elə bilib ki, mən reanimasiya demişəm. Reanimasiyaya adam özü getmir eyyy! Adam reanimasiyalıq olanda başqaları onu aparır".
R.Balayev xəbəri yazan müəllifə etiraz etdiyini bildirib:
"Xəbəri oxuyandan sonra zəng vurdum. Dedim ayıbdır, utanmırsan?! Mənim bütün qohum-əqrabam zəng edir. Narahat olublar. Mən necə deyə bilərəm ki, reanimasiyaya gedirəm?! Üzümə qarşı deyir ki, "mən elə yazmasam, saytı oxumurlar". Dedim sənin saytının oxunması üçün məndən, xəstəliyimdən istifadə edirsən?! Dedim bir də mənə zəng eləmə".
Akrtoy hazırda özünü yaxşı hiss etdiyini vurğulayıb:
"Yaxşıyam, 70 yaşında adamın ayağında sinir ağrısı olması normaldır. Niyə şişirdirlər axı?! İndi cavanlarda da bu hal var".
Ən çox oxunanlar
Son xəbərlər
