Usmanov: Rusiyada cəmi bir nəfər oliqarx qalıb

Rusiyada oliqarx adlandıra biləcəyimiz cəmi bir nəfər qalıb.
Qanunvehedef.az xəbər verir ki, bu sözləri rusiyalı milyarder Əlişir Usmanov deyib.
Usmanovun sözlərinə görə, oliqarxiyaya aid olmağın əsas kriteriyası biznesin hakimiyyətdən alınmasıdır. Bu səbəbdən də özbək əsilli milyarder özünü oliqarxlar cərgəsinə aid etməyib.
“Mən oliqarx sözünə ümumiyyətlə dözə bilmirəm. Oliqarx haqqını ödəmədən hər şeyi əldə edən kəsdir. Mən həyatım boyu onlardan biri olmamışam”, - Usmanov bildirib.
Usmanov hazırda Rusiyada yalnız bir nəfər oliqarxın olduğunu desə də, onun kimliyinə aydınlıq gətirməyib:
“Hesab edirəm ki, bizdə bu vaqonun yalnız bir sərnişini qalıb. Ancaq qatar artıq boşdur, o, təkbaşına səyahət edir. O oliqarxdır. Həmin şəxs bir şirkətdən başqa hamısını itirib”.