Xəstəxanada dəhşət: 7 həkim zəhərləndi, xəstələr... – Foto

Bakıda 8 saylı şəhər poliklinikasında 8 nəfər zəhərlənib.
Qanunvehedef.az A24.az-ə istinadən xəbər verir ki, bu gün Bakının Nərimanov rayonunda yerləşən 8 saylı şəhər poliklinikasının binasına qaz iyinin daxil olmasından sonra 8 nəfər xəstəxana işçisi zəhərlənib.
Səhiyyə Nazirliyinin Mətbuat xidmətinin rəhbəri Pərviz Əbubəkirov faktı təsdiq edib. O bildirib ki, xəsətəxanada qəfildən dəm qazının qoxusu gəlib:
"Eyni zamanda, poliklinika qazlaşdırılmış bina deyil. Ona görə də təlimata uyğun olaraq xəstəxananın bütün həkim heyəti və bütün xəstələr təxliyyə olunub. Hadisə yerinə Fövqəladə Hallar Nazirliyinin əməkdaşları və Nərimanov Rayon Polis İdarəsinin əməkdaşları cəlb olunub. Hazırda binanın içərisində dəm qazı qoxusunun haradan daxil olduğu araşdırılır.
Poliklinikanın 7 həkimi və bir müsahibi zəhərlənmə diaqnozu ilə Toksikologiya şöbəsinə yerləşdirilib. Onların mədələri yuyulub və evə buraxılıb” - deyə, P.Əbubəkirov qeyd edib.
Hazırda faktla bağlı araşdırma aparılır.