Nazirdən aktyorun direktoru döyməsinə - Reaksiya

Təhsil naziri Ceyhun Bayramov 175 saylı məktəbin direktorunun Tural Mirzəliyevin aktyor Rza Rzayev tərəfindən döyülməsinə münasibət bildirib.
Qanunvehedef.az xəbər verir ki, bu gün keçirilən mətbuat konfransında jurnalistlərin suallarını cavablandıran nazir bunun qeyri-adi hal olduğunu deyib.
“Bu məsələyə ümumi münasibət bildirəcəm. Ümumilikdə məktəb rəhbərinə böyük hörmət görmüşük. Cəmiyyətdə hörmətli insanların bir-birinə “müəllim” deyə müraciətinin dərin mənası var. Məktəb rəhbərinə qarşı fiziki gücün tətbiq edilməsi tamamilə qəbuledilməz faktdır. Bu məqamla bağlı rəy və nəticəni gözləməliyik. Bilirik ki, hadisə ilə hüquq-mühafizə orqanları məşğul olur. Ona görə də bu araşdırmaya müdaxilə etmək istəmirik. Bu məsələyə hüquqi qiymət veriləcəyinə inanırıq”, - nazir vurğulayıb.