Bakıda dəhşət: "Şevrolet" vurdu, "Tayota" üstündən keçdi

Bakıda dəhşətli yol qəzası baş verib.
Qanunvehedef.az Publika.az-a isinadən xəbər verir ki, Nərimanov rayonu, Fətəli Xan Xoyski küçəsində (“Gənclik Moll” ticarət mərkəzinin qarşısı) “Şevrolet Kaptiva” markalı minik avtomobili 1972-ci il təvəllüdlü Əsgərov Zərgər Namaz oğlunu vurub. Zərbənin gücündən piyada yolun əks hərəkət hissəsinə düşüb və oradan keçən “Toyota Lənd Kuzer” markalı avtomobilin altında qalıb. 46 yaşlı kişi aldığı xəsarətlərdən hadisə yerindəcə keçinib.
Faktla bağlı Nərimanov rayon Polis İdarəsində cinayət işi açılıb, araşdırma aparılır.
Qeyd edək ki, hadisənin baş verdiyi ərazidə metronun Gənclik stansiyasının yeraltı keçidləri mövcuddur.