Serbiya rəsmisi Heydər Əliyevin məzarı önündə - Foto
Baxılıb: 549 Tarix: 24-12-2018 11:17
Serbiya Respublikasının Baş nazirinin müavini, Ticarət, Turizm, Telekommunikasiya naziri Rasim Lyaiçin rəhbərlik etdiyi nümayəndə heyəti dekabrın 24-də Fəxri xiyabanda xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini yad edib, məzarı önünə əklil qoyub.
Qanunvehedef.az xəbər verir ki, sonra Şəhidlər xiyabanına gedən qonaqlar ölkəmizin azadlığı və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini yad ediblər. Baş nazirin müavini “Əbədi məşəl” abidəsinin önünə əklil qoyub.
Bakının ən hündür nöqtəsindən Azərbaycan paytaxtının mənzərəsini seyr edən nümayəndə heyətinin üzvlərinə Şəhidlər xiyabanının tarixi və paytaxtımızda aparılan abadlıq-quruculuq işləri barədə məlumat verilib.
Ən çox oxunanlar
Son xəbərlər
