Yatağa məhkum olan azərbaycanlı yazıçı: Xəstəlik aman vermir

Tanınmış yazıçı Vidadi Babanlının doğum günüdür. Yazıçı şad gününü xəstə yatağında qarşılayıb.
Qanunvehedef.az yenicag.az-a istinadən bildirir ki, V.Babanlı xəstəlikdən əziyyət çəkdiyini və buna görə də doğum gününü qeyd etmək istəmədiyini bildirib:
"Səhhətim yaxşı deyil. İllərdir ki, yatağa məhkumam. Buna görə də doğum günümü qeyd etməyəcəm. Amma arzularım çoxdur. Yarımçıq qalmış romanımı bitirmək istəyirəm. Amma xəstəlik aman vermir".
Yazıçı bu günlərdə Mədəniyyət və Turizm Nazirliyinin dəstəyi ilə ikicildlik seçilmiş əsərlərinin çap olunduğunu bildirib:
"Nazirlik əsərlərimi iki cilddə çap etdirdi. Eyni zamanda, "Vicdan haqqı" romannım ingilis dilinə tərcümə olundu. Buna görə çox sevindim".