Sabah dərs olmayacaq? – Nazirlik

Yanvarın 17-də hava şəraitinin kəskin pisləşəcəyi ilə əlaqədar olaraq orta məktəblərə hər hansı xəbərdarlıq edilməyib.
Bu sözləri Qanunvehedef.az-a açıqlamasında Təhsil Nazirliyinin mətbuat katibi Cəsarət Valehov deyib. O bildirib ki, hələlik bu barədə qərar verilməyib:
“Sabah gözlənilən hava şəraitinə görə şagirdlərin həmin gün məktəbə getməməsi ilə bağlı qərar verilən kimi ictimaiyyətə bildiriləcək. Yəqin ki, yaxın saatlarda bu barədə müvafiq qərar qəbul ediləcək”.
Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamenti yanvarın 16-dan 17-nə keçən gecədən başlayaraq, yanvarın 18-i gündüzədək ölkə ərazisində hava şəraitinin kəskin dəyişəcəyi ilə bağlı xəbərdarlıq edib. Bunun ardınca Bakı meriyası bağça yaşlı uşaqların 17 yanvar tarixində bağçaya aparılmamasını tövsiyə edib.