Bakıda obyekt 4 minə hərraca çıxarıldı, 10 minə satıldı

İlkin start qiyməti 4 min manat olan əmlak rəqabətli keçən hərracda 10 min 500 manata satılıb.
Qanunvehedef.az xəbər verir ki, Əmlak Məsələləri Dövlət Komitəsinin növbəti hərracı da rəqabətli keçib. Aşağı qiymətə təklif edilən bir neçə əmlak üçün həddən çox təklif olduğuna görə qiyməti yüksəlib.
Hərracda rəqabət yaradan dövlət əmlaklarından biri Bakının Yasamal rayonu, Həsənbəy Zərdabi prospektindəki qeyri-yaşayış sahəsi olub. Hərracın gedişində ümumi faydalı sahəsi 32.8 kv.m olan obyekt 10 min 500 manat satılıb.
Qaraçuxur qəsəbəsi, Y.Eyvazov küçəsindəki ümumi faydalı sahəsi 147 kv.m olan dövlət obyektinin hərrac qiyməti 25 min manat olub. Lakin əmlak 30 min 750 manata satılıb.