Prezidentin barəsində sərəncam verdiyi başçının maraqlı taleyi
Baxılıb: 421 Tarix: 30-01-2019 11:00
Dünən Prezident İlham Əliyevin sərəncamı ilə ölkənin ictimai-siyasi həyatında fəal iştirakına görə 2-ci dərəcəli “Vətənə xidmətə görə” ordeni ilə təltif edilən Lütfəli Babayevin bu gün 60 yaşı tamam olur.Qanunvehedef.az xəbər verir ki, L.Babayev 1959-cu il yanvarın 30-da Zərdab rayonunun Qaravəlli kəndində anadan olub. 1977-ci ildə bir neçə ay Mingəçevir Şəhər Yol Tikinti Maşınları Zavodunda fəhlə işləyib, daha sonra Çita şəhərində hərbi xidmətini başa vurduqdan sonra 2 il (1979-81) Qafqaz Enerjiquraşdırma Trestində çilingər kimi çalışıb.
1980-86-cı illərdə Azərbaycan Dövlət Pedaqoji İnstitutunda qiyabi təhsil alıb, parallel olaraq 1981-1987-ci illərdə Azərenerji Tikinti Tresti Mənzil İstismar Sahəsində tərbiyəçi işləyib.
Daha sonra Mingəçevir şəhər 7 saylı orta məktəbdə müəllim, Mingəçevir şəhər 12 saylı orta məktəbdə direktor müavini, 1993-cü il ərzində 11 saylı orta məktəbdə direktor olub. Mingəçevir Şəhər İcra Hakimiyyəti Başçısı Aparatında ümumi şöbənin müdiri (1993-97), San-Marino BEA-nın Mingəçevir filialında müəllim (1997-99), təcrübə rəhbəri işləyib. Sonra karyerasını yenə İcra Hakimiyyətində davam etdirib və Mingəçevir Şəhər İcra Hakimiyyəti Başçısı Aparatında ərazi idarəetmə orqanları ilə iş şöbəsinin müdiri (1999-2005) olub.
2005-2007-ci illərdə Mingəçevir Şəhər İcra Hakimiyyətinin başçısı, 2007-ci il tarixdən isə Zərdab Rayon İcra Hakimiyyətinin başçısı vəzifəsini daşıyır.
İqtisadiyyat üzrə fəlsəfə doktorudur.
Yeni Azərbaycan Partiyasının üzvüdür.
Ailəlidir. İki qızı və bir oğlu var.
Ən çox oxunanlar
Son xəbərlər
