Bakıda qəzalar daha çox hansı yollarda olur? – Əsədov açıqladı

Bakıda yol-nəqliyyat hadisələri həftənin şənbə və bazar günləri, əsasən saat 20:00-dan 24:00-a qədər baş verir.
Bunu Trend-ə Bakı şəhər Baş Polis İdarəsinin Dövlət Yol Polisi İdarəsinin İctimaiyyətlə əlaqələr şöbəsinin rəisi polis polkovniki Vaqif Əsədov deyib.
V.Əsədov bildirib ki, 2018-ci il ərzində yol qəzaları əsasən Ziya Bünyadov, Heydər Əliyev, Qara Qarayev, Azadlıq, Neftçilər, Moskva prospektləri, şəhər şosesi, Zığ şosesi, Buzovna, Maştağa yolu, kənar dairəvi yollarda baş verib.
Bölmə rəisi vurğulayıb ki, ümumilikdə 2018-ci il ərzində Bakıda 619 yol nəqliyyat hadisəsi baş verib. Baş verən qəzalar nəticəsində 212 nəfər həlak olub, 529 nəfər müxtəlif xəsarətlər alıb.