Mənimlə davası var, sözünü mənə desin, daha... - Novruzov

Mediada mənbə bəllidir, amma sosial şəbəkədə bu, bəlli deyil. Təhqirə görə məsuliyyət var. İndi kimsə sosial şəbəkədə təhqirə məruz qalır, amma hüquqlarını müdafiə etməyə yer tapa bilmir. Kimi, hansı formada məhkəməyə versin?
Qanunvehedef.az xəbər verir ki, bu sözləri millət vəkili Siyavuş Novruzov Unikal.org-a müsahibəsində deyib.
Deputat edilən təhqirlərə görə sosial şəbəkələrin qapadılması ilə bağlı müzakirələrə də aydınlıq gətirib:
“Sosial şəbəkələri bağlamayaq, amma elə bir yol seçməliyik ki, hər şey qaydasında olsun. Birincisi, o insanlar başa düşməlidirlər ki, başqasını təhqir eləmək olmaz. Milli Məclisdə onun babası yaşında adam var, bəzilərinin müəllimi, bəzilərinin həkimi Milli Məclisdə təmsil olunur. Bu cür məqamlara diqqət eləmək lazımdır. Kimdənsə xoşun gəlmirsə, ümumilikdə təhqirə keçmək olmaz axı. Konkret mənimlə söhbəti varsa, mənimlə davasını aparsın, bütövlükdə Milli Məclisi niyə təhqirə məruz qoyur? Özü də müxtəlif adlar altında gizlənilər. Keçmişdə buna “donos” deyirdilər. İndi də bu adamlar sosial şəbəkələrdə “donos” yazırlar.