Abbasovdan Allahverdiliyə cavab: Bir dəqiqə də...

Verdiyi şərhlər erməni tərəfin şərhləri ilə 99 faiz üst-üstə düşən bir adamın açıqlamalarına cavab verməyə lüzum görmürəm. Bunun üçün mənim bir dəqiqə də vaxtım yoxdur.
Bu sözləri Qanunvehedef.az-a tanınmış jurnalist, Rusiyada Azərbaycanın maraqlarını qoruyan və buna görə də tez-tez hədəfə gələn Fuad Abbasov onunla bağlı tənqidi fikirlər səsləndirən və onu çeçen-azərbaycanlı davasını milli münaqişə səviyyəsinə çıxarmaqda günahlandıran diaspor məsələləri üzrə ekspert Toğrul Allahverdiliyə cavab olaraq bildirib.
“Mən istəmirəm öz mövqeyini erməni tərəfinin mövqeyi ilə yanaşı tutan, hər hansısa bir şəkildə özünü diaspor mütəxəssisi kimi qələmə verən, əslində, normal danışıq qaydalarına riayət edə bilməyən, Moskvada bir neçə il ərzində ictimai-siyasi işlərlə məşğul olmağa çalışıb, nəticədə heç bir şeyə nail olmayan, indi isə Azərbaycana gedib, Bakı şəhərində oturub dəyişik diaspor rəhbərlərinin fəaliyyətini şərh etməklə özünə reytinq qazanmağa çalışan, mənim fəaliyyətlərimi bu və yaxud digər şəkildə şərh edərək özünə hər hansısa bir diqqət çəkməyə çalışan və ən vacibi bu şərhlərin erməni tərəfin şərhləri ilə 99 faiz üst-üstə düşən bir adamın açıqlamalarını şərh etməyə görmürəm. Bunun üçün mənim bir dəqiqə də vaxtım yoxdur”, - F.Abbasov deyib.
Qeyd edək ki, diaspor üzrə ekspert Toğrul Allahverdili Fuad Abbasovu qeyri-ciddi, həyatda heç bir uğur qazanmamış və fürsətcil bir insan adlandırıb. Bildirib ki, şəxsi zəmində olan çeçen-azərbaycanlı münaqişəsini F.Abbasov kimi işbazlar gətirib milli-münaqişə zəmininə çıxarıb.шаблоны для dle 11.2