Ermənidilli mütəxəssislərə ehtiyacımız var – Şəfiyev

Beynəlxalq Münasibətlərin Təhlili Mərkəzi ilk növbədə Ermənistan-Azərbaycan, Dağlıq Qarabağ münaqişəsinin müxtəlif aspektləri ilə məğul olacaq. Biz bu münaqişənin hərtərəfli, yəni hüquqi, siyasi, tarixi, iqtisadi tərəfləri ilə bağlı tədqiqatlar aparacağıq.
Qanunvehedef.az xəbər verir ki, bunu keçirdiyi mətbuat konfransında mərkəzin idarə heyətinin sədri Fərid Şəfiyev deyib.
O qeyd edib ki, BMTM-də ermənişünaslıq mərkəzi açmağı düşünürlər:
“Erməni dili bilən mütəxəssislərə böyük ehtiyacımız var. Mən hesab edirəm ki, bu sahədə də vəziyyət qənaətbəxş deyil. Axtaranda erməni dili bilən vur-tut 10 ekspert tapırsan. Onlar da yaşlı insanlardır. 3-4 tanıdığımız gənc ekspert var ki, onlar erməni dili bilirlər. Artıq mərkəzimizdə erməni dilini bilən gənc alim var”.