ABŞ-dan bu ölkəyə xəbərdarlıq: S-400-ləri alsanız..

ABŞ Hindistanın Rusiyadan S-400 zenit raket sistemləri almasından təəssüflənir.
Qanunvehedef.az xəbər verir ki, bunu NDTV televiziyasına müsahibəsində ABŞ Nümayəndələr Palatasının Silahlı Qüvvələr Komitəsinin rəhbəri Uilyam Tornberri deyib. Onun sözlərinə görə, ABŞ hələlik Hindistanın bu qərarı ucbatından Dehliyə qarşı sanksiyalar tətbiq etmək niyyətində deyil.
O, Hindistanın qərarının ABŞ-la müdafiə sahəsində əməkdaşlığa, xüsusilə bu ölkəyə ABŞ pilotsuz aparatlarının tədarükünə problemlər yaradacağını bildirib.
Qeyd edək ki, bundan öncə Rusiya ilə Hindistan arasında S-400-lərin tədarükü ilə bağlı müqavilənin bu ilin ikinci rübündə imzalanacağı bildirilmişdi.
ABŞ bundan öncə Rusiyanın bir sıra hərbi şirkətlərinə qarşı sanksiyalar tətbiq edib. Bundan başqa, Vaşinqtonun qəbul etdiyi CAATSA qanunu ABŞ-a Rusiyadan silah alan bütün ölkələrə qarşı sanksiyalar tətbiq etmək haqqı verib.