Britaniya rəsmən Avropa İttifaqını tərk etdi

Bu gündən Breksit müqaviləsi qüvvəyə mindi.
Qanunvehedef.az-ın məlumatına görə, Böyük Britaniya rəsmi olaraq Avropa İttifaqını tərk edib. Xalqa müraciət edən Baş nazir Boris Conson dövlətin yeni siyasətinin prioritetlərindən danışıb.
Onun sözlərinə əsasən, Aİ-dən ayrıldıqdan sonra Britaniya qarşısında yeni imkanlar açılıb. Sərbəst limanların yaradılması, immiqrasiyaya nəzarət üzrə yeni qanunlar, balıqçılığın inkişafı barədə yeniliklər barədə məlumat verilib. 
Baş nazir eyni zamanda yaxın vaxtlarda iqlim dəyişikliyi, dünyada insan hüquqları uğrunda mübarizə və qadın təhsilini dəstəkləmək üçün yeni işlərin görüləcəyini bildirib.