Ərdoğan və Putin türk əsgərlərinin atəşə məruz qalmasını müzakirə etdilər

Türkiyənin dövlət başçısı Rəcəb Tayyib Ərdoğanla Rusiya prezidenti Vladimir Putin arasında telefon danışığı olub. Bu barədə “Report” “Reuters”ə istinadən xəbər verir. Türkiyə Prezidenti Administrasiyasına istinadən yayılan məlumata görə, Ərdoğan qeyd edib ki, Suriyada türk əsgərlərinin atəşə məruz qalması Yaxın Şərq respublikasında sülhün qurulması üzrə birgə səyləri pozur. Bu halda Türkiyə lideri bildirib ki, Ankara Suriyada analoji hücumlar zamanı özünün müdafiə hüququndan istifadə edəcək.