Narkotacirə Paşinyan hökumətində vəzifə verildi

Ermənistan Baş nazirinin müavini Tiqran Avinyan Ermənistanın Odessadakı keçmiş konsulu Georgi Muradyanı özünün müşaviri təyin edib.
Qanunvehedef.az xəbər verir ki, bu barədə informasiyanı Sputnik agentliyi yayıb.
Qeyd edək ki, Georgi Muradyan Ermənistan mətbuatında “Jorik” ləqəbiylə məşhurlaşıb. Onun 2006-cı ildə kokain qaçaqmalçılığına görə həbs edildiyi iddia olunur. Muradyanın atası Eduard Muradyan Ermənistan XİN-də nüfuzlu şəxs olduğuna görə oğlunun azadlığa çıxması üçün çalışıb və buna nail olub. Azadlığa çıxdıqdan sonra XİN-ə qayıtmaq istəyən Muradyan arzusuna çatmayıb. Ermənistanın keçmiş spikeri Ovik Abramyan (sonradan baş nazir) bu zaman Muradyanı yanına çəkib. Qısa müddət ərzində o, Abramyanın baş köməkçisi olub.
2012-ci ildə isə Ermənistanın Odessadakı konsulu təyin edilib.