Gürcü knyazı modellə özünə 3 gün, 3 gecə toy etdi

İspaniya şahzadəsi VI Filippin xalasıoğlu, gürcü knyazı Xuan Baqrationi-Muxranski “Gürcüstan gözəli 2008” müsabiqəsinin qalibi, model  Kristina Zidziquri ilə ailə qurub.
Qanunvehedef.az  “Hello” jurnalına istinadən xəbər verir ki, adətən Paris və Tbilisidə yaşayan, 2014-cü ildə İspaniyanın Ronda şəhərində tanış olan cütlük  münasibətini Gürcüstanın Mtsheta şəhərində rəsmiləşdirib.
Knyazla modelin toyu 3 gün, 3 gecə qeyd olunub.
Kristina Zidziquri həyatının önəmli günündə “Marionella Georgian” gürcü brendinə məxsus libas geyinib. Bəy isə milli üslubda olan kostyumdan istifadə edib.