Jirinovskidən Putinə: O müqaviləni ləğv et

Rusiya Prezidenti Vladimir Putin Kiyevə Ukrayna ilə dostluq haqqında razılaşmanın bitməsi haqqında məlumat göndərməlidir.
Qanunvehedef.az xəbər verir ki, bunu jurnalistlərə açıqlamasında Rusiya Liberal Demokrat Partiyasının sədri Vladimir Jirinovski deyib.
“Bu razılaşmanın qüvvəyə minməsindən 20 il keçməsinə baxmayaraq, Ukrayna sənədin əksər bəndlərini kobud şəkildə pozur. Biz artıq bu razılaşmanın aktuallığını itirdiyini bəyan edirik. Ukraynada 4 ildir davam edən hərbi əməliyyatlarda 4 min dinc sakin həlak olub. Bunların əksəriyyəti ruslardır. Ölkədə rus dili qadağan edilib, rusdilli əhalinin haqları tapdalanır, Rusiya aqressor adlandırılır. Bu isə iki ölkə arasında imzalanan razılaşmanın ruhuna ziddir”, - o bildirib.