Gürcüstanın müstəqillik yubileyinə bu ölkələrin prezidentləri qatılacaq
Baxılıb: 605 Tarix: 22-05-2018 10:32
26 may - Gürcüstan Demokratik Respublikasının yaranmasının 100 illik yubileyində 6 ölkənin prezidenti, 20 ölkənin yüksək vəzifəli şəxsləri, Avropa Komissiyasının prezidenti Jan Klod Yunker iştirak edəcək.
Qanunvehedef.az AzərTac-a istinadən xəbər verir ki, bu barədə Gürcüstanın Prezident Administrasiyası məlumat yayıb.
Məlumatda deyilir ki, mayın 26-da Tbilisidə keçiriləcək yubiley tədbirində Litva, Latviya, Finlandiya, Polşa, Slovakiya və Ermənistan prezidentləri iştirak edəcəklər.
Qonaqlar Tbilisinin mərkəzindəki Azadlıq meydanında gənc əsgərlərin andiçmə mərasimində, daha sonra parlamentdə təşkil olunacaq “Xoşbəxtlik naminə əməkdaşlıq – yeni əsrin strategiyası” adlı “dəyirmi masa”da iştirak edəcəklər.
Qeyd edək ki, 26 may -Müstəqillik Günü Gürcüstanda 1991-ci ildən qeyd olunur. Gürcüstan Demokratik respublikası ilk dəfə 1918-ci il mayın 26-da Noe Jordaniya tərəfindən elan olunub.
Ən çox oxunanlar
Son xəbərlər
