Bu il mobil operatorlar 281 mln. manat gəlir əldə edib

Cari ilin yanvar-aprel ayları ərzində informasiya və rabitə müəssisələri 569,9 mln. manatlıq xidmət göstərib ki, onun da 71,8%-i əhali tərəfindən istehlak olunub.
 
Dövlət Statistika Komitəsindən “APA-Economics”ə verilən məlumata görə, ötən ilin eyni dövrü ilə müqayisədə informasiya və rabitə xidmətlərinin dəyəri real ifadədə 7,8% artıb, bu sahədə əldə edilmiş gəlirin 80,9%-i qeyri-dövlət sektorunun payına düşüb.
 
Xidmətlərdən əldə edilən gəlirin 49,3%-i və ya 281,0 mln. manatı mobil telefon rabitəsi sahəsində formalaşıb.