Mnatsakanyan Məmmədyarovla görüşə belə hazırlaşır

Ermənistan XİN başçısı Zöhrab Mnatsakanyan bu gün Qarabağ separatçılarının “xin” rəhbəri Masis Mailyanla görüşüb.
Qanunvehedef.az Sputnik-ə istinadla xəbər verir ki, Mnatsakanyanla Mailyan Dağlıq Qarabağ konflikti ilə bağlı geniş müzakirə aparıblar.
Agentliyin məlumatına görə, müzakirənin səbəbi Mnatsakanyanın 15 apreldə Moskvada Azərbaycan Xarici İşlər naziri Elmar Məmmədyarovla gözlənilən görüşüdür.
Qeyd edək ki, 15 apreldə Moskvada Azərbaycan, Rusiya və Ermənistan XİN rəhbərlərinin Dağlıq Qarabağ konflikti ilə bağlı üçtərəfli görüşü keçiriləcək.