Nazirlər Kabinetinin şöbələrinin sayı 15-dən 10-a endirilib
Baxılıb: 868 Tarix: 04-06-2018 16:21
Nazirlər Kabinetinin (NK) yeni strukturu təsdiqlənib.
“Report”un əldə etdiyi məlumata görə, NK-nın şöbələrinin sayı 15-dən 10-a endirilib.
Üç şöbə (Kənd təsərrüfatı məsələləri şöbəsi, Ekologiya məsələləri şöbəsi və Regionların inkişafı məsələləri şöbəsi) birləşdirilərək Regionların inkişafı, kənd təsərrüfatı və ekologiya məsələləri şöbəsi yaradılıb. Hələ ki, həmin şöbənin müdiri vəzifəsinə təyinat olmayıb.
Bundan başqa, Neft və kimya məsələləri şöbəsi, Beynəlxalq maliyyə təşkilatları ilə iş şöbəsi və Qaçqınların və məcburi köçkünlərin məsələləri şöbəsi digər müvafiq şöbələrlə birləşdirilib. Baş nazirin Katibliyinin rəisi vəzifəsi vakantdır.
NK-nın Aparat rəhbəri vəzifəsi əvvəlki kimi Ağa-bala Hacıyevə tapşırılıb. Tofiq Sarıcalinski, Natiq Əzizov və Sabir Bayramov isə Baş nazirin köməkçisidirlər. Hər üç şəxs sabiq Baş nazir Artur Rasi-zadənin də köməkçiləri olub.
Ən çox oxunanlar
Son xəbərlər
