Xəlilzadə özünü Messi kimi apararaq qol vurdu - Vlaşiç
Baxılıb: 611 Tarix: 10-09-2019 15:03
Nə deyəcəyimi bilmirəm, ümumiyyətlə, karyeram ərzində belə oyun keçirməmişdim. Bu, sadə oyun olmalı və biz ən azı üç xal qazanmalı idik.
Qanunvehedef.az xəbər verir ki, bunu Nova TV-yə açıqlamasında Xorvatiya millisinin futbolçusu Nikola Vlaşiç Azərbaycanla 1:1 oynadıqları görüş barədə danışarkən deyib. O bildirib ki, 72-ci dəqiqədə xorvatlara qol vuran Təmkin Xəlilzadə özünü Argentina millisinin və "Barselona"nın ulduzu Lionel Messi kimi aparıb:
“Biz oyuna yaxşı başlayıb, sonradan mübarizəni dayandırdıq. Azərbaycan isə cinahlarda fəallaşdı və buna görə də bizim çox şansımız olmadı. Həmçinin, biz qol vuran oğlana yaxın deyildik, nəticədə, o özünü Messi kimi apararaq qol vurdu. Mənim üçün danışmaq çətindir, çünki çox məyus olmuşam. Artıq bizə bundan sonrakı oyunlarda qələbə qazanmaq vacibdir”.
Ən çox oxunanlar
Son xəbərlər
