Dünən qalmaqal yarandı, bu gün isə Hacı medalsız qaldı

Üçqat dünya və Avropa çempionu Hacı Əliyev (-65 kq) Qazaxıstanın paytaxtı Nur-Sultanda keçirilən dünya birinciliyində medal qazana bilməyib.
Qanunvehedef.az xəbər verir ki, təmsilçimiz bürünc medal üçün qatıldığı ikinci təsəlliverici görüşdə yaponiyalı Takuto Otoquroya uduzub – 9:11.
Bununla da Hacı Əliyev dünya çempionatı vasitəsilə Tokio Olimpiadasına vəsiqə qazana bilməyib.
Qeyd edək ki, Qazaxıstanın paytaxtı Nur-Sultanda keçirilən dünya çempionatında Azərbaycanı təmsil edən sərbəst güləşçi Hacı Əliyevlə rusiyalı Hacımurad Rəşidov arasındakı görüşdə qalmaqal yaşanıb. Hakimlər idmançımızın xalını silməklə yanaşı, onu yarışdan diskvalifikasiya da etmişdilər. Sonradan Hacı Əliyevə göstərilən qırmızı vərəqə ləğv edilmişdi.